Við fjölskyldan og voffarnir okkar vorum á ferðalagi sl. helgi, á leiðinni heim þá ákváðum við að fá okkur smá göngutúr um Akureyri. Það vildi svo skemmtilega til að við hittum einu konuna á öllu Akureyrarsvæðinu sem á langhund innan Hrfí hann Árbæjar Nökkva. Okkur var boðið í kaffi og á meðan nusuðu hundarnir af hvor öðrum - Nökkvi og Frakkur eru jú undan honum Milton. Þetta var mjög skemmtileg tilviljun og verður gaman á næsta endurfundi nú í lok ágúst þegar Nökkvi kemur suður á Hrfí sýninguna.

Að þessu sögðu hvernig væri að halda hitting þá helgi því þá eru allir hvort sem er á bólakafi í sýningarhaldi og þeir sem þurfa koma langt að komnir til höfuðborgarinnar. Set þessa tillögu líka inn á fésið og sendi mail til allra þeirra sem ég hef addressu hjá.

Bless að sinni
Anna og Co

Þann 22 júní 2011 fóru drengirnir mínir ásamt hundunum okkar í mikla gönguferð, 7 tindagöngu. Þetta er Hafnarfjall og fjallagarðurinn að Múlatind. Þeir voru um 5 klst. að ganga og sögðu þetta ótrúlega skemmtilegt. Við foreldrarnir vorum víðsfjarri, bæði að vinna. Vonumst til að geta gengið með þeim í sumar, þessa tindagöngu sem og aðrar skemmtilegar gönguleiðir. Skelli hér inn einni afar flottri mynd af honum Styrmi, virkar bæði cool en á sama tíma óhugnaleg. Vorum öll sammála um að það vantaði Fanta flöskuna.

Styrmir á toppi Hafnarfjalls með Borgarnes í bakgrunni. Flottur ;)